Arrangement & selskap
Konfirmasjon, barnedåp, jubileum, bryllup, event, julebord, konsertar, yoga og andre kulturarrangement er noko vi kan tilby på Tuentun. Du kan anten leige lokaler og stå som arrangør sjølv, eller vi kan skreddersy dine ynskjer i ei flott innpakning til akkurat deg og dine behov. Skroll ned for meir info om dei ulike emna.
kultur
Det vert arrangert ulike kulturarrangement gjennom året. Tuentun ynskjer å formidle eit rikt kulturmangfald frå dei ulike kunstartane, både musikk, teater, dans, billetkunst med mer. Vårt publikum skal få oppleve både kjende aktørar, men også ukjende aktørar vil vere i vårt tilbod.
aktivitetAr
I samarbeid med Romsdal Yoga arrangeres vi kurs med Ashtanga Yoga. I historiske omgivelser med kvalifisert instruktør møtes vi torsdagar på Skuleheim. Hausten 2017 er full, men i desember opnar påmelding for vinter 2018. Dette skjer på heimesida til Romsdal Yoga.
Fylgj oss gjerne på Facebook.
kurs
Gjennom våre ulike samarbeidspartnere tilbyr vi ulike kurs. Kurshaldarane stiller med kompetansa, medan Tuentun tek seg av alt det praktiske og sjølve gjennomføringa. Ta kontakt om du ynskjer å bruke oss som kursstad.
pakker
Vi tilbyr skreddersydde pakker for ditt firma, eller for ditt selskap. Dette kan innbefatte alt frå underhaldning til utflukter, mat og servering. Dersom de ikkje har spesielle ynskjer kan vi lage eit flott og variert opplegg for deg og dine.
GAMLELØA
Gamleløa på garden er bygd 1925 og har opp gjennom tidene hatt ulike funksjonar, både kufjøs, stall, høytørke. Sommaren 2016 vart det gjort store oppgraderinger utvendig på den gamle driftsbygninga på garden, med tanke på å skape ein større arena for selskap, konsertar og andre kulturarrangement. Sommaren 2022 vart gamleløa ferdigstilt. Dette har no blitt eit lokale med kapasitet på 80-100 personar. Innvendig er løa som ho var i 1925, men tilknytt ein nydel med garderobe og toalett. Løa er isolert utvendig, varmekablar i 1. etasje og varmepumpe i 2. etasje. Alt av inventar som bord, stolar, dekketøy, dukar, lydanlegg og projektor er inkludert, og er med på å skape den perfekte rammen til ditt arrangement. Lokalet har eit grovkjøkken med moglegheit for enkel matlaging, kjøleskap og oppvaskmaskin.
